Kan Walaleesse: Eebba Coqorsaa
Bubbeen dhootuun
booree….
Boolee lafa faayaa
hafarsituun joollee
joollee jarreen-bayaa
bubbistus callistus
foddaan dhugaan baduu
balbalti haq-waaqaa
galata maaf dhabdee
awwaara ol-kaafti
dharti lafee- raqaa!
………………………..
Dhugaan suuta siqaa!!
………………………..
Bibbessaa leenjisuun
kormaa dhaltiin
ingodhuu…
Birbirsi hafuuraa
qilleensa’n dalla’uu
birbirsa hafuuraa
kan ofii qileensaa
kan qilleensi isaa
akka laf-gammojjii
akka hurf- raasaa
qilleensa baddaatiin
babbadaa bubbisu
awwaar-kaastuun
raaree…
Awwaal-saamtuun
darree…?
Bubbeen sob-hasaasa!
Dhugaan baysaa dammaa
damma dhadhaa eebbaa
sabareen hincabuu
samaan hincoccobuu
addaannoon inbeekuu
adiifi gurraacha
areera adurreef
baaduu dhuddo raacha
waliin-makuuf ta’aa
waan walin fakkaanne?
Booruu awwaar-booleef
baarree baattuu mi’aa!!
Mi’aan jennu aannanii
isatuu ititaa
itituun ro’aayaa
raasamee irbamee
guchum-dhadhaa
bayaa…
gootuu awwaar-tolcheen
malkaan guutee yaa’aa ?
?????????????????
Hinguutuu malkalleen
hinguutu galaannii
hinguutu garbillee
hinguutan haroonnii
qalbiinsaanii banaa
ganna wayita roobaa
garaansaanii cufaa
guutuu wayita sobaa
guchumaan hir’annaan
awwaara kaasanii…
bubbeef kennu saba!!